هل العرض حقيقي او وهمي في امازون

امازون

السلام عليكم

كيف تعرف ان العرض المقدم لك في العروض السنويه مثل البلاك فرايداي او الكريسمس والسايبر مونداي  او العروض اليوميه الي موجوده للمتسوقين العاديين او مشتركين في خدمه البرايم في امازون هل هي فعلاً تخفيض حقيقي وافضل سعر له ام فقط تخفيض عشان يمشي السلعه فقط ؟

عن طريق موقع : camelcamelcamel.com

تقدر تعرف اذا كان التخفيض الموجود حالياً هو افضل تخفيض متاح في امازون او ممكن تنتظر اذا وصل المنتج الى سعر اقل وتشتريه وليس شرط ان تكون السلعه افضل تخفيض لها وقت العروض , ممكن تكون في اي يوم من السنه ياتلحق او ماتلحق

راح اسوي مقارنه مصوره ليتم شرح طريقة عمل الموقع وطريقة اضافه المنتجات الي تبي تتأكد من تخفيضها

]دخلت موقع امازون واخترت المنتج

Hyper 212 EVO – CPU Cooler with 120mm PWM Fan (AM4 bracket available through Cooler Master USA)

 

المنتج المعروض في امازون هو مروحه للكمبيوتر يتم وضعها على ال CPU  وتعطيه بروده هوائيه اكثر درجه المعالج بعض الاحيان تصل الى اكثر من 60 درجه ولازم يكون فيه تبريد للمعالج عشان مايعلق الكمبيوتر او يهنق  ( معلومه عن المنتج ) ليس دعايه

السعر الاصلي للمنتج 35 دولار

مع الخصم صار 29 دولار

وموجود ايضاً انه من الBest Sales  رقم 1 يعني عليه طلب كبير بس هل هذا هو افضل سعر له او لا ؟

نروح لصفحه المنتج الموجود في امازون وننسخ الرابط الي موجود فوق

انسخ الرابط كامل حق امازون بيطلع معك مثل هذا الشكل

https://www.amazon.com/Hyper-212-EVO-bracket-available/dp/B005O65JXI/ref=pd_sim_147_6?_encoding=UTF8&pd_rd_i=B005O65JXI&pd_rd_r=HRRBR7JX335C5SPJA6MY&pd_rd_w=He4y4&pd_rd_wg=IYbEZ&psc=1&refRID=HRRBR7JX335C5SPJA6MY

بعدها ندخل على موقع camelcamelcamel وندخل الرابط المنسوخ الى مربع البحث مثل الصوره الي تحت

بعدها اضغط Enter او علامه البحث الموجوده

بعدها بيطلع لك بيانات المنتج الي تبحث عنه للتأكيد ان المنتج صحيح او لا

امازون

امازون

المربع الاول راح تشوف اسم المنتج عشان تتأكد هل بحثك صحيح او لا

المربع الثاني راح تشوف تذبذب السعر من اول ما انعرض المنتج في امازون حتى تحديث اخر يوم

لو تشوف التذبذب يرتفع وينزل من 35 دولار أعلى سعر الى 22.38 دولار كأقل سعر وصل له المنتج في تاريخ 14 ديسمبر 2015

قبل سنتين.

طبعاً هذا كان مثال على منتج بسعر بسيط بس لو يتم المقارنه على منتجات اعلى سعر مثل التلفزيونات او الكاميرات او اللابتوبات او اي منتج اخر موجود في موقع امازون راح يكون فيه فرق سعر واضح على مدى السنوات الي راحت وتاخذ فكره عن السعر

 

المغزى من هذا الموقع انك تاخذ فكره عن اسعار المنتج بشكل عام قبل ما تشتريه لأن اغلب المتسوقين على امازون اذا شاف بس كلمه خصم او الاول مبيعاً على طول يشتري بدون تفكير لأنه يعتقد ان هذا افضل سعر للمنتج المعروض في امازون ودور مدونه التجاره الالكترونيه تنبيه وتثقيف الاشخاص بالتجاره الالكترونيه ، لأنها تعتبر كالمحليه مع الفروقات الالكترونيه

والموقع يشتغل على جميع مواقع امازون الامريكي والبريطاني والصيني والايطالي والفرنسي والالماني والياباني

بنفس الخطوات السابقه تقدر تشوف اي منتج في اي موقع من مواقع امازون وتقارن السعر

وممكن تقارن بيع جميع مواقع امازون لمنتج معين وممكن تلقاه في مثلاً الصيني او الايطالي ارخص من الامريكي والعكس

وفيه خدمه ايضاً في الموقع تشترك فيه اذا مثلاً فيه منتج تبي تشوف تغيرات سعره ممكن تشترك فيه ويرسل لك رساله على الايميل اذا توفر عرض على المنتج او على حسابك في التويتر

دائماً قبل الشراء التأكد والمقارنه بين المواقع قبل الدرعمه 🙂 وشكراً

 

Related Posts

Leave a Reply

Your email address will not be published.